Noticias - Últimas

Avaliación do usuario: / 0
RuínMellor 

Ós poucos o gran día achégase, mostra diso centos de afeccionados de Asturias, Cantabria, León e por suposto galegos están a visitar os puntos de venda para facerse coa súa entrada, e así o próximo 6 de febreiro poder acceder ao circuíto no Recinto Semana Verde de Galicia sen ter que facer cola nos despachos de billetes. Ademais garántese que terá un lugar para ver o espectáculo en directo, xa que o aforo limítase a 5.000 persoas.

Programa-Horario

• 10:30            Acto Apertura do III Fórmula Rali do Cocido.
• 10:45             Apertura entrada público.
• 11:00            Inicio mangas de adestramento.
• 14:45            Presentación dos pilotos ao público, volta de honra.
• 15:00            Mangas oficiais.
• 19:30            Entrega de Trofeos.
• 19:45            Rolda de prensa
• 20:00            Acto Clausura do III Fórmula Rali do Cocido.

A partir das 11 da mañá dará comezo o espectáculo onde os pilotos irán saíndo ao rodo a recoñecer o circuíto, no que horas despois demostrarán cal é a mellor freada, a trazada perfecta, a mellor volta.

Lista de inscritos

Un ano máis a lista de incritos é de campanillas, onde se poden ver novas promesas fronte a pilotos contrastados, grandes do automobilismo internacional e nacional fronte aos grandes campións galegos, que a recado, todos eles darán moito, moito espectáculo.

Público

A entrada ao circuíto para o público abrirase ás 10:45, podendo entrar e saír do recinto as veces que lle sexan necesarias grazas a un sistema de control. Polo cal unha vez vistas as mangas de adestramento da mañá, poderán saír a comer e volver entrar pola tarde sen o máis mínimo problema.

Ademais, como en todos os espectáculos deportivos que se realizan en calquera parte do mundo, prohíbese o acceso ao circuíto de bebidas do exterior en botellas, latas... Estas deben ser dispensadas sen tapón no interior do circuíto para que a seguridade non se vexa comprometida en nigún momento. (É por iso que se permite saír as veces que sexan necesarias.)

Texto: Comunicado de Prensa